Mən rusiyayönlü siyasət həyata keçirmirəm.

Axar.az xəbər verir ki, bunu “Nova” televiziyasında çıxışı zamanı Çexiya Prezidenti Miloş Zeman söyləyib.

“Məhz mən baş nazir (1998-2002) olanda Çexiya NATO-ya üzv qəbul edilib, Avropa Birliyinin tərkibinə daxil olmaq üçün hazırlıq aparılıb. Rusiya ilə münasibətlərə diqqət yönəltməyim ilk növbədə iqtisadi mənfəətlə bağlıdır. Mən heç vaxt rusiyayönlü olmamışam. Bu, axmaq yalandır. Əgər mən yenidən prezident seçilsəm, o zaman indiyə qədər etdiyimi davam etdirəcəyəm. Təkcə noyabrda Rusiyaya səfərim zamanı bir çox böyük layihələrə imza atılıb”, – deyə o bildirib.

Qeyd edək ki, Zemanın rəqibləri onu rusiyayönlü siyasətdə ittiham edirlər. Onların fikrincə, çex lider Praqanı avroatlantik kursdan uzaqlaşdırır.