Afrindəki hərbi əməliyyatlar zamanı 4 ədəd tüfəngi, 1 ədəd RPG-7 raketatan, 2-si tapança olmaqla, 7 ədəd yüngül silah, 2 kq amonium nitrat, 1200 kq C-4 partlayıcı maddəsi, 517 ədəd müxtəlif növ yüngül silah-sursat, 4 ədəd qumbara, 14 ədəd silah maqazini, bir ədəd gecə durbini, 1 ədəd ratsiya və s. hərbi ləvazimatlar ələ keçirilib.

Axar.az xəbər verir ki, bu barədə Türkiyə Silahlı Qüvvələrinin (TSQ) “Zeytun budağı” hərbi əməliyyatları ilə bağlı hesabatında qeyd olunub. Ordudan bildirilib ki, yanvarın 20-dən bu günə əməliyyatlar nəticəsində terrorçuların istifadə etdiyi 32 ədəd səngər, sığınacaq, mağara və anbarlar istifadəyə yararsız hala gətirilib:

“PKK/KCK terror təşkilatının ən önəmli maliyyə mənbəyi olan qaçaqmalçılıq və narkotiklə mübarizə zamanı 52 kq heroin, 63 kq narkotik, 454 232 qutu siqaret və 10 ədəd mobil telefon ələ keçirilib. Hərəkat başladığı gündən bu vaxta qədər Türkiyə Hərbi-Hava Qüvvələri 538 hədəfi vurub, ən azı 899 terrorçu zərərsizləşdirlib.

Bundan əlavə, qanunsuz şəkildə Türkiyə sərhədlərindən keçmək istəyən 8928 şəxs türk polisi tərəfindən saxlanılıb”.