İstanbulda hər an 7 baldan artıq zəlzələ ola bilər.

Axar.az xəbər verir ki, bu sözləri Qəndil Rəsədxanası Zəlzələ Araşdırma İnstitutunun rəhbəri professor Haluk Özener deyib.

“Yer planetinin hərəkətlərindən asılı olaraq, mütəmadi şəkildə enerji əmələ gəlir və zəlzələlər bu enerjinin dağılmasını təmin edir. Məsələn, Sakarya zəlzələsində 150 ildə toplanan enerji 45 saniyədə dağıldı. Dünyanın heç bir yerində zəlzələnin öncədən təxmin edilməsi mümkün deyil. Zəlzələni bilmək onun nə vaxt, harada və hansı böyüklükdə olacağı suallarına cavab tapmaqdır. Biz yeri və böyüklüyü bilirik, ancaq zamanı bilmirik. Bir gün mütləq olacaq”, - Özener deyib.

Qeyd edək ki, alimlər İstanbulda 7 bal və daha artıq zəlzələ olacağı halda cəmi 7 dəqiqə sonra sunami baş verəcəyini bildirib.