Ermənistanda 27 oktyabr parlament teraktını Rusiya xüsusi xidmət orqanları törətməyib.

Axar.az xəbər verir ki, bunu “1in.am” saytına açıqlamasında Ermənistan Milli Təhlükəsizlik Xidmətinin rəhbəri Qurgen Yeqiazaryan söyləyib.

“Rusların 27 oktyabr hadisələrində iştirakı haqqında deyilənlər təkcə nənə nağılları deyil. Bu, xüsusi olaraq, bir neçə ölkə, o cümlədən Türkiyə tərəfindən yayılan informasiyadır. Rusiyanın böyük dostu olan spiker Karen Dəmirçiyanı nə isə vurğulamaq üçün öldürə bilməzdilər. Hətta onun başına atəş açılıb ki, yaralı qalmasın. Sizcə, ruslar öz gələcəkləri qeyri-müəyyən və dumanlı olanda Ermənistanı bu cür vəziyyətdə qoymaq istəyirdilər? Heç zaman ola bilməzdi”, – deyə o bildirib.

Qeyd edək ki, 1999-cu il oktyabrın 27-də Ermənistan parlamentində terakt törədilib. Terakt nəticəsində spiker Karen Dəmirçiyan, Baş nazir Vazgen Sərkisyan, vitse-spikerlər Yuri Baxşyan və Ruben Miroyan, deputatlar Mikayıl Kotanyan, Armenak Armenakyan, Henrix Abramyan, nazir Leonard Petrosyan qətlə yetirilib. Teraktın həyata keçirilməsinə Daşnaksütyun Partiyasının üzvü Nairi Unanyan rəhbərlik edib. Qriqoryan bu qrupda əsas şəxslərdən biri olub.

O, ömürlük həbs cəzasına məhkum edilmişdi.