Türkiyə özünün yeni pilotsuz uçan aparatını yaradacaq.

Axar.az xəbər verir ki, bunu “Yeni Şəfəq” qəzetinə müsahibəsində Türkiyə Müdafiə naziri Nurəddin Canikli söyləyib.

“Hazırda Afrində “Baykar” PUA-larından istifadə edirik. Biz həmçinin bunun yeni modeli olan “Akınçı” pilotsuz uçan aparatını yaradacağıq. “Akınçı” ümumilikdə 4,5 ton ağırlığında olacaq. O, daha uzun müddət havada qala biləcək, daha sərt manevrlar edəcək və daha uzaq mənzilli hədəfləri vura biləcək. “Baykar” hazırda 2 raket daşıya bilir, amma “Akınçı”da bu 4 ədəd olacaq. Bunlar daha ağır raketlər olacaq.

“Akınçı”dan sonra əsas hədəfimiz pilotsuz təyyarə olacaq. 2027-ci ilə qədər onu yarada biləcəyimizə ümid edirəm”, – deyə o bildirib.