Böyük Britaniyada Breksitlə bağlı fikir ayrılıqlarına görə Mühafizəkarlar Partiyası nümayəndələri arasında baş verən bölünmə bu il ərzində hakimiyyətin istefa verməsinə səbəb ola bilər.

Axar.az xəbər verir ki, bu barədə “Sandi Tayms” yazıb.

Məlumata görə, Britaniya Nazirlər Kabinetinin qapalı iclasında Breksitlə bağlı qızğın mübarizələr gedib. Mühafizəkarlar Partiyasının bəzi üzvlərinə müxalif partiyaların işinə kömək edə biləcək bəyanatları ilə bağlı xəbərdarlıq edilib.

İclasda çıxış edən Şimali İrlandiya məsələləri üzrə nazir Karen Bredli Tereza Meyi həmçinin Şimali İrlandiya Demokratik Birlik Partiyasının 10 üzvünün səslərinə ümid etməməyə çağırıb.