Beynəlxalq humanitar yardım təşkilatlarının bu gün üçün planlaşdırılan Şərqi Qutaya yardım karvanının göndərilməsi təxirə salınıb.

Axar.az xəbər verir ki, bu barədə Rusiyanın Suriya Atəşkəsə Nəzarət Mərkəzinin rəhbəri general Yuri Yevtuşenko məlumat yayıb.

"Beynəlxalq humanitar yardım təşkilatlarının Suriya hökumətilə bu gün üçün planlaşdırılan Şərqi Qutanın Duma rayonuna humanitar yardım konvoyu göndərməsi təxirə salınıb. Təxirə salınma səbəbi Nüsrə Cəbhəsinin yardım dəhlizinə hücumlar təşkil etməsidir. Vəziyyət normallaşdıqdan sonra humanitar yardımların yenidən göndərilmə prosesinə başlanacaq", - Yevtuşenko söyləyib.