Rusiya kəşfiyyatının keçmiş xəfiyyə Sergey Skripalı Britaniyada öldürmək istəməsi onun xaricdə yeni qətllərə başlayacağına dəlalət edir.

Axar.az xəbər verir ki, bu iddia ilə “Stratfor” analitik şirkətinin Taktiki Analiz Departamentinin vitse-prezidenti Skot Stüart çıxış edib.

“Əgər Skripala olan hücumu Rusiya həyata keçiribsə, o zaman Moskva casusluq sferasında mövcud olan protokolu pozub. Bu cür fəaliyyətlər casus mübadiləsi ilə bağlı konsepsiyanın özünü məhv edə bilər. Putinin hakimiyyəti dönəmində Rusiya kəşfiyyatının həyasızcasına fəaliyyətini nəzərə alsaq, o zaman bu şərtlərin heç birinə əməl edilməyəcəyini deyə bilərik. Qərblə casus mübadiləsinə rəğmən, Kreml öz kəşfiyyatçılarına satqınlığın hətta siyasi sığınacaq alınan ölkədə belə ölümə gətirəcəyini xatırladır. Rusiya kəşfiyyatının əllərinin uzun olması və onu satanlara çatması haqqındakı fikirlər uzun illərdir mövcud olan tabulardır. Rusiya belə bir mesajı indi də Skripala hücumla verir. Bu mesaj artıq alınıb”, – deyə o bildirib.