Rusiyanın yeni silahlarının adları bəlli olub.

Axar.az xəbər verir ki, yeni silahların adları Rusiya Müdafiə Nazirliyinin saytında keçirilən səsvermə nəticəsində müəyyən edilib. Səsvermənin nəticələrinə əsasən, sualtı pilotsuz aparat "Poseydon", yeni döyüş lazer kompleksi "Perevet", yeni nüvə enerji qurğusuyla təchiz edilən qanadsız raket isə "Burevestnik" adını alıb.

Qeyd edək ki, Rusiya Prezidenti Vladimir Putin bu silahları Federal Məclisdə çıxışı zamanı ictimaiyyətə təqdim etsə də, onlara ad verilmədiyini bildirmişdi. Rusiya Müdafiə Nazirliyi isə silahların adı ilə bağlı təklifləri səsverməyə çıxarmışdı.