Rəsmi Tehran İsrailin iranlı hərbçilərin ölümü ilə nəticələnən Suriyaya hücumuna qarşılıq verəcək.

Axar.az xəbər verir ki, bu iddia ilə Livanın Hizbullaha yaxın nəşrlərindən sayılan “Əl-Əxbar” çıxış edib. Nəşr İranın qarşılıq vermək üçün çox gözləməyəcəyini, Fələstin və ətrafında İsrailə qarşı hər hansı bir əməliyyatı planladığını yazıb.

Nəşrin redaktoru İbrahim Aminin sözlərinə görə, İran bunu edərkən heç bir müttəfiqə ehtiyac duymayacaq və etdikdən sonra da bunu gizlətməyəcək.

Xatırladaq ki, İsrail Suriyanın T-4 hərbi bazasını bombardman etmişdi. Bazada olan iranlı hərbçilərdən 3-ü həlak olmuşdu.