Ukraynanın Luqansk vilayətinə göndərdiyi humanitar yardım təyin olunan yerə çatdırılıb və Qırmızı Xaçın nümayəndələrinə təhvil verilib.

Axar.az xəbər verir ki, bunu Ukrayna prezidentinin ölkənin şərqindəki konfliktin həll olunması məsələləri üzrə müşaviri İrina Geraşenko deyib.

Onun sözlərinə görə, yüklər 3 istiqamətdən - Xarkovdan Starobelskə, Dnepropetrovskdan Severodonetskə və Kiyevdən də Lisiçanska çatdırılıb.

"Vacib: Ukrayna humanitar yardımı beynəlxalq hüquq normalarına uyğun olaraq Qırmızı Xaça verilib. Məhz bütün humanitar yardımlar Qırmızı Xaça belə verilməlidir. İkincisi, heç bir hərbi müşayiət olmamalıdır. Bu da qaydadır", - Geraşenko yazıb.

Geraşenko bildirib ki, humanitar yardım tərəvəz, dənli məhsullar, konserv, un, yuyucu maddələr, pamperslər, gigiyenik vasitələr və dərmanlardan ibarətdir: "Ukrayna öz vətəndaşlarını özü təmin edə bilər, yetər ki, "antifaşistlər və kübar insanlar" bizə mane olmasın".