Amerikalı jurnalistin Krım körpüsünün partladılması ilə bağlı çağırışı provokasiya xarakterlidir.

Axar.az xəbər verir ki, bu sözləri rusiyalı senator Frants Klintseviç deyib.

O bildirib ki, Rusiya İstintaq Komitəsi sözügedən şəxsi nəzarətə götürməli və müəyyən maddələrlə cinayət işi başlatmalıdır:

“Məqalə ekstermizm, terrorizm çağırışlarını özündə ehtiva edir. Bütün dünyada bu kimi təxribatlar ciddi qəbul edilir və lazımi cavab tədbirləri görülür”.

Senator gələcəkdə Krım körpüsü ilə bağlı hər hansı provokasiyanın olacağını da istisna etməyib.

Qeyd edək ki, “Vaşinqton Ekzaminer” nəşrinin yazarı Tom Roqan Ukrayna hakimiyyətinə çağırış edərək, Putinin Krımda inşa etdirdiyi körpünü partlatmağı məsləhət bilib.