Regionun müdafiə şurası "B" planını işə salacaq və ona Zaporojye vilayəti və Donetskin bəzi əraziləri daxil olunacaq.

Axar.az xəbər verir ki, bunu Dnepropetrovsk vilayət administrasiyasının sədr müavini Gennadi Korban Müdafiə Şurasının iclasında deyib.

"İclasda "B" planın tətbiq olunması barədə qərar qəbul olundu. Detalları açıqlaya bilmərəm, bu gizli informasiyadır", - Korban bildirib.

Korban bildirib ki, əgər rus hərbçiləri Dnepropetrovsk və Zaporojye vilayətinə soxulmağa cəhd göstərsələr, Rusiyaya minlərlə meyit qayıdacaq. ğ

Qeyd edək ki, iclas zamanı Dnepropetrovsk vilayətinin qubernatoru İqor Kolomoyski də çıxış edərək, rus qoşunlarının hücumunu dayandırmaq üçün "B" planını tətbiq etdiklərini deyib.

Bu arada sözügedən vilayətin Müdafiə Nazirliyindən "Obozrivatel" portalına verilən xəbərdə düşmənə qarşı yeni hərbi hissələr yaradılmağa başlandığı vurğulanıb. Nəzərə çatdırılıb ki, müqavilə əsasında vuruşan elit bölmələrin döyüşçüləri bundan sonra 20 min qrivni (1471 ABŞ dolları) civarında əmək haqqı alacaqlar.