İraq ordusu Diyalanın qərbində yerləşən və İŞİD-in son "qala"sı olaraq xarakterizə edilən İncanə bölgəsini geri almaq üçün hərbi əməliyyat başladıb.

Axar.az xəbər verir ki, bu barədə Diyala rəsmisi Adi Əl-Hudran bildirib. İraq ordusu İncanəyə gedən yolda İŞİD tərəfindən minalanmış ərazilərin təmizləndiyini açıqlayıb.

Qarşıdurmaların yaşandığı İraqda İŞİD liderliyindəki silahlı qrupların başda Mosul olmaq üzrə bəzi şəhərləri ələ keçirməsindən sonra ölkənin müxtəlif yerlərində terror təşkilatı ilə təhlükəsizlik qüvvələri arasında qarşıdurmalar davam edir. İraq ordusu və ABŞ-a məxsus hava qüvvələri də İŞİD-ə aid hədəflərə hava hücumları təşkil edir.