Krım şəhərlərinin elektrik enerjisi ilə təminatı yenidən bərpa edilib.

Axar.az "Krımenerji" şirkətinin bu gün yayımladığı məlumata istinadən xəbər verir ki, sistem tam gücü ilə işləyir.

"Elektrik enerjisi kəsilmişdi, ancaq indi biz yenə də Ukraynadan enerji alırıq". Lakin elektrik enerjisinin verilməsində yaranan fasilənin səbəbləri aşçıqlanmayıb.

Krım respublikasının başçısı vəzifəsini icra edən Sergey Aksyonov öz növbəsində jurnalistlərə bildirib ki, Ukrayna hələ elektrik enerjisi nəqlini bərpa etməyib. "20:00-dək bərpa edəcəklərinə söz veriblər. Əgər işığı verməsələr, öz gücümüzlə öhdəsindən gələcəyik".

O qeyd edib ki, hazırda dörd elektrik ötürücüsündən yalnız biri fəaliyyət göstərir. Hazırda Krımın elektrik enerjisi təminatı öz mənbələrimiz hesabına həyata keçirilir.

Xatırladaq ki, avqustun 31-də təxminən 23:00-dan etibarən Krımın Ukrayna tərəfindən elektrik enerjisi ilə təminatı dayandırılıb. Yarımadanın iri şəhərləri – Kerç, Koktebel, Yalta, Sevastopol şəhərləri və Simferopolun bəzi ətraf rayonları işıqsız qalıb.