Ana səhifə Planet |
F-35 təyyarələri üçün 800 milyon dollar ödəmişik. Beynəlxalq əxlaq, hüquq var. Bu işin onların arzuladığı kimi olacağını zənn etmirəm. Bunu cənab Trampın təsdiqləməyəcəyinə inanıram.
Axar.az xəbər verir ki, bunu Türkiyə Prezidenti Rəcəb Tayyib Ərdoğan ABŞ Senatının F-35 təyyarələrinin satışı ilə bağlı qərarına münasibət bildirərkən deyib.
"Türkiyə olaraq bu günə qədər qətiyyətimiz necə olubsa, bundan sonra da bu iradəmizi göstərəcəyik. Oradan olmasa, bir başqa yerdən olacaq, yenə də olmasa, biz öz təyyarəmizi istehsal edəcəyik", - Ərdoğan qeyd edib.
Xatırladaq ki, ABŞ Senatı Türkiyəyə F-35 təyyarələrinin satışının dayandırılması üçün layihəni təsdiqləyib. Layihə Dövlət Departamentində müzakirə edildikdən sonra Senatda təsdiqlənərsə, Trampın imzalamasından sonra qüvvəyə minəcək.
Buna baxmayaraq, ötən gün Pentaqon ilk F-35-i Türkiyəyə təslim edib. Qırıcılar 2020-ci ilə qədər Türkiyəyə gətirilməlidir.
Tarix
2018.06.22 / 08:30
|
Müəllif
Pərviz Həsənov
|