14:18

Rusiya Prezidenti Vladimir Putin Helsinkiyə gəlib.

Axar.az xəbər verir ki, bu barədə Rusiya mətbuatı məlumat yayıb.

***

Rusiya Prezidenti Vladimir Putinlə ABŞ Prezidenti Donald Tramp arasında görüş başlayıb. Prezidentlərin təkbətək görüşü 1 saat yarım, genişləndirilmiş formatda görüşləri isə 1 saat 45 dəqiqə davam edəcək.

Putin görüş başlamazdan öncə Trampa iki ölkə arasındakı münasibətlərdə ağrılı nöqtələri müzakirə etməyi təklif edib.

Tramp isə öz növbəsində dünyanın ABŞ-la Rusiya arasındakı münasibətlərin yaxşı olmasını maraqlı olduğunu bildirib. O, tərəflərin münasibətləri yaxşılaşdırmaq üçün şansı olduğunu deyib. Tramp Putinlə ticarət, hərbi, nüvə potensialı məsələləri və Çinlə münasibətləri müzakirə edəcəyini vurğulayıb.

Qeyd edək ki, Putin Trampla görüşə gecikib. Görüş Putinin gecikməsi ucbatından 14:15-də başlamalı olduğu halda 15:00-a təxirə salınıb.

***

Helsinkidə Putin və Tramp arasındakı təkbətək görüş başa çatıb.

Görüş iki saatdan çox davam edib.