İran və ABŞ arasında nüvə böhranı ilə bağlı 2 il ərzində gizli danışıqlar aparılıb.

Axar.az xəbər verir ki, bu barədə İran Prezidenti Həsən Ruhaninin Siyasi müşaviri Həmid Əbutalib bildirib. Əbutalib gizli danışıqların sabiq prezident Əhməd Nejatın rəhbər olduğu dövrdən aparıldığını açıqlayıb.

Prezidentin Siyasi müşaviri Əbutalib Tvitter hesabında açıqlamasında keçmiş hökumətin dövründə danışıqların 2 il gizli şəkildə aparıldığını, ancaq Ruhaninin danışıqları açıq formada aparmaq qərarı verəndə buna qarşı çıxanların olduğunu qeyd edib:

"Strateji araşdırmalar mərkəzində illərlə ən yüksək yığıncaqlarda iştirak etdim. Bu yığıncaqlarda iki variant müzakirə edilərdi. Qarşıdurma və əməkdaşlıq. İran xalqı ötən seçkilərdə Ruhanini dəstəkləməklə əməkdaşlıq, iqtisadiyyatın xilası və mədəni yaxşılaşma metodunu seçmiş oldu".