PKK üzvü olan terrorçu qadın "İslam Dövləti" terror qruplaşmasının gücünü xarakterizə edib.

Axar.az xəbər verir ki, qadının etirafları BBC televiziyasında yer alıb.

Cəbhədə döyüşən 19 yaşlı gənc bir qadının bildirdiyinə görə, o, torpağını qorumaq üçün döyüşür:

"Kəndimizin adı Borisdir. Böyük bir kənddir, yarısı "İslam Dövləti"nin, yarısı YPG-nin nəzarətindədir. Cəbhələr bir-birinə çox yaxındır, aralarındakı məsafə 50 metrdir".

Gənc xanım yaralanma olayını da danışıb:

"Bir İŞİD döyüşçüsünü bir anda öz qazdığı xəndəyin içində atdım. "Mən ona Biji Serok Apo" (Yaşasın öndər Apo) deyərək atəş açdım. O da bunun ardınca təkbir (Allahu Əkbər) deyib məni vurdu".

Qeyd edək ki, son bir həftədə 400-dən çox PKK üzvünün İŞİD döyüşçüləri tərəfindən öldürüldüyü iddia edilib.