Hakim Gürcü Arzusu Partiyasının üzvləri və tərəfdarları “Mən azadlığı müdafiə edirəm” hərəkatının təşkilatçılığı ilə noyabrın 11-dən ölkədə genişmiqyaslı aksiyalara başlayacaq.

Axar.az Azərtac-a istinadla xəbər verir ki, aksiya prezident seçkilərinin ikinci turunadək ölkənin bütün böyük şəhərlərində keçiriləcək.

İlk aksiyanın noyabrın 11-də saat 17:00-da Tiflisdəki Respublika meydanında keçirilməsi planlaşdırılıb.

Tiflis sakrebulunun deputatı, “Mən azadlığı müdafiə edirəm” hərəkatının üzvü Vato Şakarişvili jurnalistlərə bildirib ki, aksiyanın əsas məqsədi əhalini Vahid Milli Hərəkat Partiyasının hakimiyyətə gəlişinə etiraz etməyə səsləməkdir.

Regionlarda ilk tədbir noyabrın 11-də Telavi şəhərində reallaşacaq. Sonra isə Batumi, Kutaisi, Rustavi və digər şəhərləri əhatə edəcək.