Rusiyalı biznesmen Yevgeni Priqojinin özəl hərbi şirkəti Rusiya təsirini Afrikada yaymağa çalışır.

Axar.az xəbər verir ki, bu məlumatı “Blumberq” agentliyi yayıb. Bildirilir ki, Priqojinin şirkətləri Afrika dövlətlərinin rəhbərlərini təbii sərvətlərdən istifadə qarşılığında təhlükəsizlik, silah və siyasi konsultasiyalarla təmin edirlər.

Priqojinin özəl hərbi şirkətinin muzdlularının Afrikanın 10 ölkəsində fəaliyyət göstərdiyi bildirilib. Bunlar sırasında Mərkəzi Afrika Respublikası, Konqo Demokratiya Respublikası, Sudan, Liviya, Madaqaskar, Anqola, Qvineya, Qvineya-Bisau, Mozambik və Zimbabve yer alıb.

Qeyd edək ki, Priqojin “Konkord” şirkətinin rəhbəridir. Ona məxsus olan şirkətlər dəfələrlə Kremlin əsas qonaqlarının yeməklə təminatını həyata keçirib. Qərb mətbuatında onu daha çox “Putinin aşpazı” adlandırırlar.