Rusiya və Çin arasında dünyanın ən uzun və ən sürətli qatar stansiyası inşa ediləcək.

Axar.az xəbər verir ki, Çin və Rusiya arasında təməli qoyulacaq bu layihə iki ölkənin mərkəzi şəhərlərini bir-birinə birləşdirəcək.

"Ən sürətli qatar" layihəsi Rusiyanın paytaxtı Moskva şəhərində imzalanıb.

Yeddi min km uzunluğunda olacaq dünyanın ən uzun qatar xətti layihəsinin ümumi dəyəri 230 milyard dollar hesablanıb.

Bu layihə Çinin Pekin və Quanqçjou şəhərləri arasındakı 2 min 298 km uzunluğundakı qatar xəttindən 3 qat daha uzun olacaq.

Çin mətbuatının məlumatına əsasən, Pekinə qədər uzadılacaq "ən sürətli qatar" layihəsinin 5 ilə reallaşacağı gözlənilir.