ABŞ Prezidenti Donald Tramp İranın Məhkəmə-Ədliyyə Sisteminin İnsan Haqları Qərargahının keçmiş katibi Cavad Laricaninin təhdidinə kinayəli cavab verib.

Axar.az xəbər verir ki, Amerika lideri bu barədə Ağ Evdə jurnalistin müvafiq sualını cavablayarkən deyib.

"Sonuncu dəfə təxminən 7 yaşımda günəş vannası qəbul etmişəm. Bilmirəm hədədir, yoxsa zarafat, amma günəş vannası qəbul etmirəm”, - deyə o bildirib.

Xatırladaq ki, İranın Məhkəmə-Ədliyyə Sisteminin İnsan Haqları Qərargahının keçmiş katibi Cavad Laricani son televiziya çıxışında ABŞ Prezidenti Donald Trampla bağlı söyləmişdi ki, o, artıq Mar-a-Laqoda günəş vannası qəbul edə bilməz, çünki uzanmış vəziyyətdə kiçik bir dron onun qarnını nişan ala bilər.