Biz Rusiyada bu və ya başqa hadisələrin KTMT üzrə müttəfiqlərimizin müdafiə potensialında özünü necə əks etdirəcəyini qiymətləndirmək haqqına sahibik.

Axar.az xəbər verir ki, bunu jurnalistlərə açıqlamasında erməniyönlü rusiyalı deputat Konstantin Zatulin deyib.

“Paşinyan bir neçə dəfə Vladimir Putinlə görüşlərdə iştirak edib. Rusiya heç vaxt erməni tərəfdaşlarına məsləhətlər verməkdən imtina etməyib. Lakin mən daha çox əmin oluram ki, bu halda sözlərlə əməl arasında ciddi boşluq yaranır. Onlar bir tərəfdən deyirlər ki, Rusiya-Ermənistan münasibətləri heç vaxt belə yaxşı olmayıb, digər tərəfdən Ermənistanda Rusiya Dəmiryollarına qarşı araşdırma başladıb, “Qazprom”a qarşı cinayət işi açırlar. Ermənistan ABŞ Prezidentinin milli təhlükəsizlik üzrə müşaviri Con Boltonun ABŞ silahını alması haqqında təklifinə ciddi baxılıb-baxılmaması barədə üç dəfə düşünməlidir”, – deyə o bildirib.