Ermənistanla Rusiya arasında münasibətlər hər ötən gün daha da çətinləşir.

Axar.az xəbər verir ki, bu barədə “Qraparak” nəşri yazıb.

Nəşrin bildirdiyinə görə, 8 aydır baş nazir postuna sahib olan Nikol Paşinyan hələ də rəsmi şəkildə Rusiyaya dəvət olunmayıb, KTMT-dəki problemlər sırasına isə yaxın vaxtlarda qaz da əlavə olunacaq.

“Rusiya hələ də Paşinyanı təbrik etməyib. Putinin parlament seçkilərində qələbəyə görə təbrik etməli olmadığı bildirilsə də, 2017-ci il seçkilərində o cəmi bir gün sonra Serj Sərkisyan və Respublikaçılar Partiyasını təbrik etmişdi”, - nəşr qeyd edib.

Xatırladaq ki, AİB ərazisində ucuz qaz qiymətləri Belarus və Ermənistana tətbiq olunur və ilin sonunda İrəvanın Rusiya ilə qaz satışına dair müqaviləsinin vaxtı başa çatır.