ABŞ Dövlət Departamentinin sözçüsü Cen Psaki Türkiyə-ABŞ ittifaqının pozulduğu haqda yayılan iddialara cavab verib.

Axar.az xəbər verir ki, xanım Psaki yayılan məlumatların həqiqətəuyğun olmadığını bildirib:

"Hər oxuduğunuza inanmayın. Çünki Türkiyə yalnız əhəmiyyətli bir NATO müttəfiqi olmaqla bitmir, eyni zamanda, İŞİD-i zəiflətmək və yox etmək üçün bizim müttəfiqimizdir. Türkiyə ilə bir sıra mövzularda birgə çalışırıq".

Psaki iki ölkə arasında ciddi problemlərin olması iddialarının ABŞ-ın mövqeyi olmadığını dilə gətirib:

"Yayılan məlumatların bu binanın (Dövlət Departamentliyi) fikri, ya da təcrübəsi ilə heç bir bağlılığı yoxdur".
Xatırladaq ki, ABŞ rəsmisinin bu cür bəyanat verməsinə səbəb "Vaşinqton Post" qəzetinin "ABŞ-Türkiyə əlaqələri çat verir" başlıqlı məqaləsi olub.

Məqalədə uzunmüddətli əməkdaşlığın son zamanlarda soyuduğu, İŞİD-ə qarşı mübarizədə Türkiyənin yaxasını bir kənara çəkdiyi deyilib:

"Suriya böhranı ABŞ və Türkiyə arasında getdikcə yaranan böhranı daha da dərinləşdirməkdədir. Bu səbəbdən 60 illik əməkdaşlığın sona çatmasının şahidi ola bilərik. Bəzi qüvvələr artıq bu əməkdaşlığın sona çatdığını düşünür".