Ana səhifə Planet |
Avropa Komissiyası "Cənub axını" qaz kəmərinin tikintisini sürətləndirməyə icazə verən qanun haqqında Macarıstandan izahat tələb edib.
Axar.az İTAR-TASS-a istinadən xəbər verir ki, bu barədə Brüsseldə keçirilən brifinqdə Avropa Komissiyasının nümayəndəsi bildirib.
"Cənub axını" qaz kəmərinin tikintisinin sürətləndirilməsi istiqamətində qanun ölkənin Baş naziri Viktor Orbanomun dəstəyi ilə parlamentdə müzakirəyə çıxarılmışdı. 132 deputat qanunun lehinə, 35-i isə əleyhinə çıxmışdı.
Qanuna əsasən, xarici şirkətlər Avropa Birliyinin qaydalarına riayət etmədən qaz kəmərinin tikintisində iştirak edə bilər. Onlardan boru kəmərinin sonrakı mərhələdə istismarına lisenziya tələb olunmur.
"Cənub axını" layihəsində Rusiya, Macarıstan, Bolqarıstan, İtaliya, Sloveniya, Serbiya və Avstriya təmsil olunur. Qaz kəmərinin birinci mərhələsində işlərin 2015-ci ilin sonuna çatdırılması planlaşdırılır.
Tarix
2014.11.04 / 21:42
|
Müəllif
Pərviz Həsənov
|