İranın Məşhəd şəhərində ABŞ vətəndaşı Maykl Uayt həbs edilib.

Axar.az xəbər verir ki, bu məlumatı İran Xarici İşlər Nazirliyinin rəsmi nümayəndəsi Bəhram Qasımi yayıb.

Onun sözlərinə görə, Tehran həbsin ilk günündən etibarən ABŞ-ı bununla barədə xəbərdar edib. O, ABŞ vətəndaşına qarşı heç bir pis rəftar edilmədiyini deyib.

Qeyd edək ki, ehtiyatda olan hərbçi Maykl Uaytın İranda həbsi ilə bağlı ABŞ mətbuatı məlumat yayıb. Məlumatda Uaytın iyul ayında qəfildən İranda yoxa çıxdığı və yalnız dekabr ayında onun İran həbsxanasında olmasıyla bağlı məlumat əldə edildiyi bildirilib. İranın onu niyə həbs etdiyi hələlik açıqlanmayıb.