Türkiyə ilə iqtisadi əlaqələri genişləndirmək üçün böyük potensial var.

Axar.az xəbər verir ki, bu barədə ABŞ Prezidenti Donald Tramp Tvitter hesabında Prezident Ərdoğan ilə ötən gün telefon əlaqəsi barədə bildirərkən qeyd edib.

"İŞİD-in qalıqlarına qarşı son iki həftədir aparılan uğurlu mübarizə və 32 kilometrlik təhlükəsiz bölgə daxil olmaqla, bütün məsələlər haqqında Ərdoğan ilə danışdım. Həmçinin ABŞ ilə Türkiyə arasındakı iqtisadi inkişaf barədə də danışdıq. Burada həqiqətən genişlənmə üçün böyük potensial var", - Tramp söyləyib.

Qeyd edək ki, ABŞ Prezidenti Donald Tramp Türkiyənin Suriyadakı kürdlərə zərbə endirəcəyi halda iqtisadi təzyiqlərlə üzləşəcəyini açıqlamışdı. Bundan sonra isə Türkiyə lideri Rəcəb Tayyib Ərdoğan Trampla telefon əlaqəsi yaradıb, hər şeyi aydınlaşdırmışdı və problem aradan qalxmışdı.