Türkmənistanda ehtiyatda olan hərbçilərin genişmiqyaslı yoxlanışı zamanı ölkənin hərbi əməliyyatlara başlamaq iqtidarında olmadığı üzə çıxıb.

Axar.az xəbər verir ki, bu məlumatı Türkmənistan Müdafiə Nazirliyindəki mənbələrinə istinadən “Azadlıq" radiosu yayıb.

Mənbənin sözlərinə görə, təkcə ehtiyatda olanlar yox, hazırda xidmət edənlər də yetərli qədər döyüşə hazır deyillər. Bununla bərabər, ordunun yetərli sayda yeni silahlarla təchiz edildiyi vurğulanıb:

“Hazırda xidmət göstərən 35 min nəfərlik hərbçinin hazırlıq səviyyəsi çox pisdir və onlar silahdan istifadə etməyi bacarmırlar. Ehtiyatda olanlara gəlincə isə onlar ümumiyyətlə yeni silahlarla tanış deyillər”.