Fransa Rusiya üçün istehsal etdiyi "Mistral" gəmisinin ikincisini Sent-Nazar limanından dənizə buraxıb.

Axar.az xəbər verir ki, rusların "Sevastopol" adlandırdığı gəminin taleyinin necə olacağı isə hələlik bəlli deyil.

Bir müddət öncə gəminin ilki Rusiyaya göndərilməli olsa da, hələlik Fransa hökuməti gəmini verməkdən imtina edir.

Qeyd edək ki, 2011-ci ildə Fransa ilə Rusiya arasında iki ədəd "Mistral" gəmisinin satışı ilə bağlı 1 milyard 200 milyon dəyərində müqavilə imzalanıb.

Müqaviləyə görə, ilk gəmi 2014-cü ilin sonunda, ikincisi isə 2015-ci ildə Rusiyaya təhvil verilməlidir. Lakin ABŞ-ın müqaviləyə sərt reaksiya göstərməsindən sonra Fransa gəmiləri Rusiyaya təslim etməyəcəyini açıqlayıb.