"Artıq Putinin müttəfiqləri qalmayıb".

Axar.az xəbər verir ki, bu sözləri əslən Bakıdan olan erməni şahmatçı, rusiyalı müxalif Harri Kasparov Estoniyanın ETV-sinə verdiyi müsahibədə söyləyib.

O, hazırda Lukaşenko və Nazarbayevin də Rusiyanın hər an onları uda biləcəyindən qorxduqlarını deyib:

"Belarusiya və Qazaxıstan da vaxtıyla SSRİ-nin bir hissəsi olub. Bu iki müttəfiq anlayır ki, siyasi cəngəlliklərdə növbəti qurban məhz onlar ola bilərlər. Hazırda böyük müharibə o qədər də inandırıcı deyil. Amma aydındır ki, Putinin imicinin saxlanılması üçün harasa yenidən hücum etmək lazım gələcək. Hücum üçün ən inandırıcı obyekt cənub istiqaməti – Azərbaycan və Gürcüstandır. Putin dünya xəritəsinə neft və qaz kəməri kimi baxır. Onun məqsədi Avropaya gedəcək neft və qaz üçün olan alternativ yolların qarşısının alınmasıdır. Baltika ölkələrinə qarşı açıq aqressiya isə inandırıcı deyil. Putin bilir ki, açıq-aşkar hücum NATO tərəfindən əks reaksiyaya səbəb olacaq".

Qeyd edək ki, Harri Kasparov bir müddət öncə Ukrayna KİV-nə verdiyi müsahibədə də eyni fikirləri bölüşmüşdü.