Ermənistanın Milli Təhlükəsizlik Xidmətinin rəhbəri Artur Vanetsyanın yanacaq biznesində payı var.

Axar.az xəbər verir ki, bu barədə “İrates” qəzeti məlumat yayıb.

Məlumata görə, artıq Nikol Paşinyan bu biznesdə yeni oyunçuların peyda olması üçün Vanetsyandan bu payından imtina etməsini istəyib. Qəzet Vanetsyanın bu təkliflə razılaşıb-razılaşmadığını aydınlaşdıra bilməyib.

Paşinyanın bunu inqilabdan sonra vəzifə vermədiyi tərəfdarlarını mükafatlandırmaq üçün etdiyi deyilir.

Qeyd edək ki, bundan öncə “Qraparak” qəzeti də analoji bəyanatla çıxış etmişdi. Qəzet Vanetsyanın bu biznesdən çıxdığını yazmışdı. Vanetsyan isə ittihamları rədd etmişdi.