ABŞ öz hərbi doktrinasında daha çox Rusiya və Çinə yer ayıracaq.

Axar.az xəbər verir ki, bu açıqlama ilə ABŞ Müdafiə nazirinin müavini Robert Uork çıxış edib.

O, ABŞ-ın milli təhlükəsizliyinə Rusiya və Çinin bir nömrəli təhlükə olduğunu bildirib:

"Həm Rusiya, həm də Çin BMT Təhlükəsizlik Şurasının daimi üzvüdür və nüvə silahına sahibdirlər. Bundan başqa hər iki dövlət regional və qlobal iddialara sahibdirlər. Bu ölkələri biz sadəcə daha çox diqqət mərkəzində saxlayaraq onlarla hərəkət edəcəyik. Biz həmçinin Şimali Koreya, İran, eləcə də transmilli terrorizm və transmilli cinayət şəbəkəsinə də diqqət ayıracağıq".