HƏMAS-la İran arasında yeni dönəm başlayır.

Axar.az xəbər verir ki, İrana səfər edən HƏMAS-ın Livan nümayəndəsi Əli Baraka bəzi ərəb ölkələrinin təşkilata qarşı mənfi münasibətinin Tehranla münasibətlərdə yeni bir səhifə açılmasında rol oynadığını bildirib.

Baraka Tehranın HƏMAS-a dəstək verməyə söz verdiyini, ikitərəfli münasibətlərdə də yeni səhifə açıldığını deyib.

HƏMAS bütün müsəlman ölkələrinin dəstəyini məmnunluqla qarşılayacaqlarını, ancaq bu günə qədər ərəb ölkələrindən lazımı dəstəyi ala bilmədiklərini vurğulayıb.

Qeyd edək ki, Səudiyyə Ərəbistanı rəhbərliyi HƏMAS-ın İranla danışıqlar aparmasından narahat olduğunu bildirmişdi.