Ana səhifə Planet |
Suriya böhranında Bəşər Əsəd rəhbərliyini dəstəkləyən və böhranın xarici hərbi müdaxilə olmadan siyasi yollarla həll edilməsinin tərəfdarı kimi çıxış edən Moskva yenidən hərəkətə keçib.
Axar.az xəbər verir ki, yanvarda Suriya müxalifəti ilə sıx görüşlər planlaşdıran Rusiya Suriya hökumətinin də qatılacağı zirvə reallaşdıracaq. Lakin zirvəyə Suriya lideri Bəşər Əsədin gəlməsi gözlənilmir.
Rusiya Xarici İşlər nazirinin müavini Mixail Boqdanov "İnterfaks"a verdiyi açıqlamada ölkə daxilində və xaricində fəaliyyət göstərən 25-ə qədər müxalifət üzvünün Moskvaya toplaşacağını bildirib.
Bu arada Rusiya Xarici İşlər Nazirliyi danışıqlar çərçivəsində Bəşər Əsədin Türkiyə hava fəzasından istifadə edərək Moskvaya gələcəyi ilə bağlı yayılan iddialara cavab verib. Nazirliyin sözçüsü Aleksandr Lukaşeviç Əsədin Moskvada təşkil olunacaq yığıncaqda iştirak ehtimalının olmadığını söyləyib.
Tarix
2014.12.25 / 22:30
|
Müəllif
Şəmsəddin Ənsar
|