Türkiyə ilə Rusiya arasında münasibətlər bir çox sahədə, o cümlədən silah alqı-satqısı sferasında inkişaf edir.

Axar.az xəbər verir ki, bu sözləri Rusiya Dövlət Dumasının Beynəlxalq Məsələlər komitəsinin üzvü Anton Morozov almaniyalı professor Tomas Yagerin S-400-lərlə bağlı məqaləsinə münasibət bildirərkən deyib.

"Bizim Yaxın Şərqlə bağlı bir çox məsələlərdə mövqeyimiz üst-üstə düşür. İndi ikitərəfli münasibətlərimiz intensiv şəkildə inkişaf edir. Bu mənada hərbi-texniki sahədə əməkdaşlığın daha da güclənəcəyini düşünürəm. Bu, Türkiyənin öz təhlükəsizliyini və suverenliyini qorumağa köklənməsidir", - Morozov bildirib.