Səudiyyə Ərəbistanındakı olaylar bir daha göstərdi ki, Türkiyə S-400 zenit-raket kompleksləri almaqla doğru seçim edib.

Axar.az xəbər verir ki, bu sözləri rusiyalı hərbi ekspert İqor Korotçenko deyib.

O bildirib ki, ABŞ istehsalı olan hərbi təchizat barəsində artıq mənfi rəy formalaşmaqdadır:

“S-400 ABŞ istehsalı V nəsil “xəyalət” təyyarələri də daxil olmaqla, bütün hədəfləri həqiqətən “görə bilir”. Bu sistem F-35 və F-22 pilotsuz təyyalərini müəyyən edərək məhv edir. ABŞ-ın belə narahatlığına səbəb yaşadığı ardıcıl fiaskonun nəticəsidir. Əlbəttə, S-400 sayəsində NATO üzvü olan Türkiyənin F-35-lərin görünməz olmamasını anlaması və modern havadan müdafiə sistemləri ilə vura biləcəyinin fərqinə varması ABŞ üçün olduqca narahatedici durumdur. Hazırda Türkiyə tamamilə öz milli maraqlarını müdafiə etməli və praqmatizmə dayanaraq hərəkət etməlidir”.