Prezident Rəcəb Tayyib Ərdoğan Somalidə Türkiyə nümayəndə heyətinin qaldığı otelin partladılması ilə bağlı açıqlama verib.

Axar.az xəbər verir ki, Ərdoğan heç bir qorxusu olmadığını, hücumun da Türkiyəyə qarşı edilmədiyi düşüncəsində olduğunu bildirib.

Səudiyyə Ərəbistanı Kralı Abdullahın ölümü ilə bağlı Afrika turuna ara verən Ərdoğan Cibutiyə gəlib və ölkə prezidenti İsmayıl Ömər Quelleh ilə görüşüb.

Görüşdən sonra keçirilən birgə mətbuat konfransında Ərdoğan Somali ilə bağlı narahatlığının olmadığını vurğulayıb.

Qeyd edək ki, bu gün Somalidə Türkiyə nümayəndə heyətinin qaldığı oteldə partlayış olub. Hücum nəticəsində xəsarət alan olmayıb.