"Ukraynada kifayət qədər Rusiya hərbçisi yoxdur ki, tammiqyaslı hücuma başlasınlar".

Axar.az xəbər verir ki, bu sözləri Ukrayna prezidentinin məsləhətçisi Yuri Biryukov deyib.

Ukraynada Rusiya hərbçilərinin sayı barədə səsləndirilən fikirlərin həqiqətə uyğun olmadığını qeyd edən Biryukov onların sayının az olduğunu bildirib:

"Rusiyadan 9 min hərbi qulluqçunun olduğu barədə tez-tez danışılır. Ancaq bunlar həqiqətə uyğun deyil. Onların sayı yanvar ayının başlanğıcında 7,5 min idi, daha sonra 2 min hərbçi də gəldi. Ancaq Ukrayna ordusu minlərlə rus hərbçisini məhv edib. Onlar elə bir üstünlüyə malik deyillər ki, tammiqyaslı hücuma keçməyə cəhd etsinlər".