ABŞ-ın Beynəlxalq Respublikaçılar İnstitutu Ermənistanda keçirdiyi sorğunun nəticələrini yayımlayıb.

Axar.az xəbər verir ki, sorğuya əsasən Ermənistanda əsas narazılıq yeni iş yerlərinin yaradılmaması və sosial-iqtisadi problemlərin həll edilməməsindəndir. Bu fikri müdafiə edənlərn sayının artdığı qeyd olunub.

Hökumətin pis idarəçiliyindən şikayətlənənlərin də sayı artıb. Onların sayı 27% təşkil edir ki, bu da cari ilin mayından 5% çox olub.

Mənim Addım Blokunun səs faizlərində də 4% geriləmə qeydə alınıb. Bloku dəstəkləyənlər əhalinin 55%-ni təşkil edib. Çiçəklənən Ermənistan Partiyasını 19%, İşıqlı Ermənistanı müdafiə edənlər 6% təşkil edib.

Respondentlərin 59%-i Respublikaçılar Partiyasına heç vaxt səs verməyəcəyini söyləyib.