ABŞ Prezidenti Barak Obama İŞİD-lə aparılan gərgin mübarizədə zonaya hərbi qüvvə göndərmək üçün Konqresdən razılıq istəyib.

Axar.az Türkiyə mətbuatına istinadən xəbər verir ki, İraq Xarici İşlər naziri İbrahim əl Cəfəri İraqın ABŞ-dan belə bir tələbinin olmadığını bildirib.

Xarici İşlər naziri avstraliyalı həmkarı Culi Bişopla ortaq mətbuat konfransında "Biz ABŞ-dan yerüstü əməliyyatlar üçün dəstək istəməmişik. Hazırda İŞİD-ə qarşı bu tipli hərbi əməliyyat keçirmək planımız yoxdur", - deyə bildirib.

Nazir mətbuat konfransındakı çıxış zamanı İraq hərbi qüvvələrinin İŞİD-ə qarşı aparılan yerüstü əməliyyatlarda çətinlik çəkmədiyini də fikirlərinə əlavə edib:

"İraq ordusu quru əməliyyatlarında İŞİD üzərində üstünlük əldə edir. Bu səbəbdən BMT-dən edilən tələblərin arasında quru əməliyyatları üçün dəstək tələbimiz olmayıb".