İran Xarici İşlər naziri Cavad Zərif bu dəhşətli faciəyə görə çox kədərləndiyini bildirdi. Nazir Filip isə hadisə qurbanlarının qəzəbli olan ailələri ilə görüşdüyünü söylədi.

Axar.az xəbər verir ki, bunu İran XİN başçısı Cavad Zərifin Kanadanın baş diplomatı François Filiplə apardığı müzakirə barədə danışan XİN rəsmisi Adam Ousten bildirib.

Xatırladaq ki, yanvarın 8-də səhər saatlarında Tehran-Kiyev reysini həyata keçirən Boinq-737 təyyarəsi havaya qalxdıqdan bir neçə dəqiqə sonra qəzaya uğrayıb. Təyyarənin göyərtəsindəki 176 nəfərin hamısı həlak olub.

İran tərəfi Ukraynaya məxsus təyyarənin səhvən raketlə vurulduğunu etiraf edib.