Ana səhifə Planet |
14:27
Əfqan Hava Yolları aviaşirkətinə aid sərnişin təyyarəsi Əfqanıstanın şərqindəki Qəzni bölgəsində qəzaya uğrayıb.
Axar.az xəbər verir ki, göyərtədə 83 nəfərin olduğu bildirilir.
Qəzni əyalətinin qubernatoru qəzanın Dix-Yak rayonunda baş verdiyini təsdiqləyib.
“Tolo Nyus” həmin ərazinin Talibanın nəzarətində olduğunu yazıb.
***
Əfqanıstanda qəzaya uğrayan təyyarə orduya aiddir.
Bu barədə "RİA Novosti" özəl mənbəyə istinadla məlumat yayıb.
***
Bazar ertəsi günü Əfqanıstanda qəzaya uğrayan təyyarə ABŞ hərbi hava qüvvələrinə məxsus ola bilər.
Bu barədə "Tolo Nyus" telekanalı məlumat yayıb. Təyyarənin mühərrikindəki tanınma nişanları onun ABŞ hərbi hava qüvvələrinə aid olduğunu göstərir.
Telekanalın qəza yerindən dərc etdiyi kadrlarda "Bombardier E-11" təyyarəsinin bir hissəsinin yandığı görünür. Bununla yanaşı, telekanal qeyd edir ki, videonun Qəzni əyalətindəki qəzaya aid olması rəsmən təsdiqlənməyib.
***
ABŞ ordusunun Əfqanıstandakı komandanlığı qəzaya uğrayan təyyarənin ABŞ-a məxsus olduğunu təsdiqləyib.
“ABŞ-a məxssus Bombardier E-11A bu gün Əfqanıstanın Qəzni əyalətində qəzaya uğrayıb”, - ABŞ ordunun rəsmi nümayəndəsi polkovnik Sonni Leqqett Tvitter səhifəsində bildirilib.
O həmçinin bildirib ki, təyyarəni taliblər vurub.
Detalların müəyyənləşdirildiyini vurğulayan polkovnik Talibanın daha bir təyyarəni vurması ilə bağlı yaydığı xəbəri təkzib edib.
Qeyd edək ki, bundan əvvəl "Ariana Afgian Airlines" qəzaya düşən təyyarənin onlara aid olmadığını bildirmişdi.
***
Taliblər vurduqları təyyarənin görüntüsünü yayıblar:
Tarix
2020.01.27 / 22:53
|
Müəllif
Büllurə Yunus
|