Ana səhifə Planet |
15:37
Türkiyənin Manisa şəhərində 5.1 bal gücündə zəlzələ baş verib.
Axar.az xəbər verir ki, bu barədə Türkiyənin Qəndilli Rəsədxanası məlumat yayıb.
Yerli saatla 14:26-da, episentri Qırxağacda qeydə alınan zəlzələnin İstanbul, İzmir, Bursa və digər şəhərlərdə də hiss edildiyi bildirilib.
***
Türkiyədə Fövqəladə Halların İdarə Olunması Agentliyi (AFAD) zəlzələnin 4.8 bal gücündə olduğunu açıqlayıb.
Türkiyə Daxili İşlər naziri Süleyman Soylu canlı yayımda zəlzələ nəticəsində hər hansı itki və tələfat olmadığını bildirib.
Qeyd edək ki, 24 yanvarda Türkiyənin Elazığ və Malatya şəhərlərində baş verən 6.8 ballıq zəlzələ nəticəsində 40 nəfər həlak olub, 1500-ə qədər adam xəsarət alıb.
***
Yeraltı təkanlar İstanbulda da hiss edilib.
Qısa müddətdə baş verən silkələnmə əhali arasında panikaya səbəb olub.
***
Manisada 4,1 bal gücündə növbəti zəlzələ baş verib.
Zəlzələnin episentri Qırxağac ərazində, 7 km dərinlikdə qeydə alınıb.
Yeraltı təkanlar İzmir, Aydın, Dənizli, Uşak, Kütahya, Bursa və Balikəsir şəhərlərində də hiss edilib.
Tarix
2020.01.28 / 19:54
|
Müəllif
Büllurə Yunus
|