Yuxarı

Ya hakimiyyət dəyişikliyi, ya federallaşma... – Nəticə

Ana səhifə Planet
12 Punto 14 Punto 16 Punto 18 Punto

Bu münaqişə hələ davam edəcək və belə proqnozlaşdırmaq olar ki, ya Rusiyada hakimiyyət dəyişikliyi ilə nəticələnəcək, ya da Ukrayna federallaşacaq.

Bu sözləri Axar.az-a açıqlamasında "Oğuz" müstəqil araşdırmaçılar qrupunun rəhbəri, politoloq Vüqar Zifəroğlu Minsk razılaşmasına rəğmən, Rusiyanın Ukraynaya qarşı davam etdirdiyi separatçı mübarizəyə münasibət bildirərkən deyib.

O, açıqlamasında Qərbin Rusiyaya qarşı tutmuş olduğu sərt mövqenin dəyişməyəcəyini də bildirib:

"Faktiki olaraq Minsk razılaşması nəticə vermir. Atəşkəsin şərtlərinə riayət edilmir. Belə olan halda Rusiya özü Qərb üçün fərqli yol buraxmır. Ukraynada bütünlükdə post-sovet, Şərqi Avropa uğrunda savaş gedir. Bunu sadəcə, Şərqi Ukrayna və ya Krım miqyasında görmək olmaz. Bu anlamda Qərbin öz təzyiqlərini artıracağı şəksizdir. ABŞ-ın Ukraynanı daha açıq şəkildə silahlandıracağını da söyləmək olar. Minsk razılaşması sadəcə olaraq hər iki tərəf üçün müvəqqəti stabilliyə yarayacaq bir fasilə idi. İstər masada əyləşən münaqişə tərəfləri, istərsə də bu tərəfləri masa arxasında əyləşməyə məcbur edən qüvvələr bilirdilər ki, yaxın zaman ərzində atəşkəsə riayət olunacağı real deyil. Minsk görüşü eyni zamanda ABŞ və Avropanın mübnaqişəyə baxışlarındakı fərqləri korrektə etmələri üçün önəmli idi.

Hazırda masaya çox şey yatırılıb və tərəflərdən hər hansı birinin prinsipial şəkildə güzəştə gedəcəyinə inanmıram. Bu münaqişə hələ davam edəcək və belə proqnozlaşdırmaq olar ki, ya Rusiyada hakimiyyət dəyişikliyi ilə nəticələnəcək, ya da Ukrayna federallaşacaq. Amma ABŞ-ın və ya NATO-nun birbaşa hərbi müdaxilə edəcəyi tam şəkildə istisna edilir. ABŞ birbaşa Rusiya ilə qarşı-qarşıya gəlməyəcək".

Politoloq münaqişə fonunda hazırki iqtisadi böhran faktoruna da toxunub:

"İqtisadi böhran istənilən sahəyə təsir edəcək və Rusiya bunu artıq hiss etməkdədir. Bir məqamı da qeyd edim ki, əgər Rusiya Krımı ilhaq edibsə və hələ də Ukraynanın şərqinə nəzarət edirsə, bu o demək deyil ki, üstünlük Rusiyadadır. Ukraynada hazırki dönəmdə tərəflərdən heç biri üstün mövqedə deyil və bu münaqişə uzandıqca daha çox itkilərlə üzləşəcəklər".

Tarix
2015.02.19 / 09:19
Müəllif
Nigar Məmmədova
Digər xəbərlər

Məhkəmədən Kartavıx və Belousovla bağlı qərar...

Rəsmi Bakıdan Rusiyaya: Daxili işimizə qarışma! - Nota

Rəsmi Bakı Şvıdkoya cavab verdi

Şok iddia: AZAL təyyarəsi Rusiya MN-in göstərişi ilə vurulub - Video

"Sputnik"in redaktorunun evində axtarış aparıldı

Rusiya Azərbaycana nota verdi

Prezident Fərid Əsgərova general-mayor rütbəsi verdi

Prezident tapşırığı: Kredit müqaviləsi imzalandı

Bu türk ölkəsinin səfirliyinin yeni binası açılacaq

Bakıdan gözləmirdik: Nə baş verir? - Moskvadan baxış

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla