İraqın təhlükəsizlik qaynaqlarından alınan məlumata görə, paytaxtı Bağdad və yaxınlığındakı şəhərlərə bombalı hücumları təşkil edilib.

Axar.az xəbər verir ki, hücumlarda ümumilikdə 1-i uşaq olmaqla 9 nəfər həlak olub, 34 nəfər isə yaralanıb.

Paytaxtın cənubunda yerləşən Mədain qəzasının Vardiyyə bölgəsində çay evinin yaxınlığında, yol kənarına yerləşdirilən partlayıcının işə düşməsi nəticəsində 2 nəfər ölüb, 7 nəfər isə yaralanıb.

Bağdadın qərbində bir parkda bomba partlaması 1 uşağın həyatına son qoyub. Partlayışda 4-ü qadın olmaqla 10 nəfər yaralanıb.

Diyalə şəhərində baş verən partlayışda 3 nəfərin öldüyü, 9 nəfərin yaralandığı bildirilib. Bakubədə bir avtomobili hədəf alan digər hücumda isə avtomobil sürücüsünün həlak olduğu, 4 nəfərin yaralandığı qeyd edilib.

Devr əz Zira səmtində də bombalı avtomobilin hərbi patrul avtomobilinin keçdiyi vaxt partlaması nəticəsində 2 nəfər həlak olub, 4 nəfər yaralanıb.

Qeyd edək ki, təhlükəsizliyin zəif olduğu İraqda belə hallar tez-tez baş verir.