"Avropa Birliyi ölkələri Rusiyaya qarşı yeni sanksiyaların tətbiqini müzakirə edir".

Axar.az xəbər verir ki, bu barədə danışan Avropa Şurasının sədri Donald Tusk AB liderləri ilə növbəti addımların atılması bağlı məsləhətləşmələr apardığını bildirib.

"Avropa Birliyi bacardığı hər şeyi etdi ki, yeni Minsk razılaşmasına riayət edilsin. Hətta Debaltsevoda davam edən amansız hücumlar şəraitində Rusiyaya şans yaratdı", - deyə Tusk vurğulayıb.

Qeyd edək ki, sonuncu dəfə Rusiyaya qarşı sanksiyalar iki gün əvvəl Kanada tərəfindən tətbiq edilmişdi. Ottava 37 fiziki şəxs və Rusiyanın Ukraynadakı 17 müəssisəsinə yeni sanksiyalar tətbiq etmişdi.