"Azərbaycan güc balansının qorunması strategiyasını müdafiə edir".

Axar.az xəbər verir ki, bu sözləri rusiyalı politoloq Stanislav Tarasov deyib. Obamanın Ukraynada Rusiyanın mövqeyini zəiflətməyə çalışdığını qeyd edən Tarasov 2008-ci ilin avqust ayında Qafqaz müharibəsindən sonra Gürcüstanda da eyni ssenarini oynadığını bildirib. Onun sözlərinə görə, əsasən Mixail Saakaşvili dövründə ABŞ-ın Qafqazda yetərincə gücləndiyi, ancaq yeni hökumətin Gürcüstanda hakimiyyətə gəlməsindən sonra Rusiya ilə yaxınlaşma olduğunun müşahidə edildiyini bildirib.

Tarasov Ermənistanın balansı qorumağa çalışdığını, ancaq Avrasiya İttifaqına üzv olmaqla, seçimini ortaya qoyduğunu vurğulayıb:

"Cənubi Qafqazda Azərbaycanın mövqeyi bəllidir. Zahirən inteqrasiya proseslərindən kənar qaldığı sezilsə də, güc balansının saxlanılması strategiyasını müdafiə edir. Azərbaycanın Avropa ilə siyasətdə energetika sahəsindəki son dəyişiklikləri Qərbə ilham verdi".