Birləşmiş Millətlər Təşkilatının (BMT) yayımladığı 'Ölkələrin Xoşbəxtlik İndeksi' hesabatında Finlandiya yenə də dünyanın ən xoşbəxt ölkəsi olub.

Axar.az xəbər verir ki, adambaşına düşən gəlir, uzunömürlülük, sosial dəstək və s. kimi meyarların nəzərə alındığı hesabatda son 3 ildə olduğu kimi Finlandiya bu il də 7 min 809 balla birinci olub.

Hesabatda ikinci və üçüncü yeri 7 min 760 səslə Danimarka, 7 min 560 səslə İsveçrə tutub.

Həmçinin o da bildirilib ki, dünyanın ən xoşbəxt 10 ölkəsindən 9-u Avropada yerləşir.

Qeyd edək ki, sözügedən hesabatda Əfqanıstan 2 min 567 səslə sonuncu yerdə qərarlaşıb.